Täämbä, 30. vahtsõaastakuu pääväl peetäs eesti kirändüse päivä. Üteliisi hõigatas Tarton raamaduaastak pidolidsõlt vallalõ.
Raamaduaasta vallalõtegemine käü pidolidsõlt mitmõl puul Vanal Võromaal. Näütüses Põlva keskraamadukogo raamaduaasta vallalõhõikamisõ pidol 28. vahtsõaastakuul näüdäs’ kiränik Laanõ Triinu umma raamatut «Poiss ja papa».
Võromaa keskraamadukogon tetäs täämbä raamaduaastak vallalõ Kudu Kalevi etendüsega «Endspiel», miä kõnõlõs Visnapuu Henriku perämäidsist päivist New Yorgin.
Võro Kreutzwaldi koolin lugõva kõigi klassõ opilasõ täämbä vahetunnõ aigu ette mi kandi kiränigõ Laanõ Triinu, Rõõmu Grethe, Vagula Liina ja Ruitlasõ Olavi juttõ.
Raamaduaasta alostus om paras aig ka miilde tulõta, et Võro instituut om vällä kuulutanu võrokeelidse romaani võistlusõ ja sinnä kirätöie saatmisõ tähtaig om 14.03.2025. Ligembät teedüst ja tingimuisi võrokeelidse romaani võistlusõ kotsilõ saa lukõ Võro instituudi kodolehe päält, õkvalink kuulutusõ mano: https://wi.ee/vorokiilse-romaani-voistlus/
UL
