Radokuu külmä
Ma kuuli raadiost, et pääle likõt vahtsõaastakuud tulõva suurõ külmä, eski säidse kraati külmä või olla. No olõ-i imehtä kah, vanarahvas kutsõ jo veebruarikuud külmäkuus, lumõkuus, tuisukuus, soekuus ja radokuus.
Radokuu om uma nime saanu tuu perrä, et seo kuu om sussõ radoaig vai joosuaig. Kas kimmäst külmä ja tuisku viil tulõ, om inämb usu küsümüs. Ma mõtlõ iks perüs külmä, sinnä katõkümne-kolmõkümne kraadi kanti. Õnnõs jäivä liiast varra nõna vällä tsusanu lillivarrõ lumõ ala. Radokuu külm või tulla.
