Om nigu om
Ma kuuli raadiost, et üle Eestimaa om vällä ilmunu hulga tuulõveskidega võitlõjit, nigu umal aol oll’ Tongi Ott. Tuu Hispaania miis võidõl’ külh peris veskidega. A meil om mintü sõtta elektrituulikidõ vasta.
Aoluust om innegi säändsit andsakit võitlusi tiidä. Kõik, mis om inemiisile vahtsõnõ ja võõras, pand pelgämä. Kasvai edimädse massina vabrikidõ tulõkiga, edimädse paravossi ja automobiili, linnugi ja telehvoni. Vet siiämaani kõnõldas nutitelefonõ halvast mõost inemiisi tervüsele, kuiki inämbüs tõtõasjo tugõhõsõ inemiisi arvamisõlõ. Vastapite toolõ jutulõ pruukva inemise nutitelefonõ kõrrast inämb.
Kõik mi tahami odavat elektrit. A kost mi tuud saami, ku kõik viisi elektrit tetä omma halva ja miildü-i meile. Tulõ valli, kas tähtsämb om meelerauh vai otav elo, ni leppü tuuga.
