Võro pensionääre pääväkeskus kõrraldas Kandlõ kultuurimajan kuun kõrra tandsuõdagit, kohe omma tandsma oodõdu tsipa korõmban iän inemise. Tandsuõdagu omma kokko säedü niimuudu, et tandsmisõ vahepääl saa kullõlda vai kaia kultuuriprogrammi.
Minevä pühäpäävä peet tandsuõdak oll’ pühendet timahavatsõlõ raamaduaastalõ ja tandsma oll’ tulnu ligi 60 inemist. Tandsus mängse ansambli Ojar ja Einar Setomaalt.
Tandsuplokkõ vahepääl kõnõl’ pääväkeskusõ juht ja õdagidõ kõrraldaja Toomiku Siiri (pildi pääl edeplaanin) vannust raamatist ja sai kullõlda Võro kirämiihi loomingut Rahmani Jani ja Elo laululidsõn esitüsen. Ette kanti Contra, Ruitlasõ Olavi, Tuulingu Ennu, Saarõ Evari, Kaplinski Jaani ja Rahmani Jani tekste.
UL
Toomiku Siiri. Rahmani Elo pilt
