Ameeriga avastaminõ
Ma kuuli raadiost, et kõgõ tähtsämb vällämaa-uudissõ teemä om Ameeriga presidendi hiussõ. Tuu jaos, et nuu mõstus saasi, tulõ sääl maal viitorrilõ trukki mano käändä. Maailm om nii väikus jäänü: egä lausõ, mis tõõsõl puul maakerrä vällä üteldäs, om kõrraga kõigilõ nätä. Mi võimi jo naarda hinnäst kõgõ targõmbas pidävä presidendi üle, a timä mõotas mi ello nüüd kimmähe.
Õnnõ ma saa-i sukugi arvo, kuimuudu saa rahvavõimuga riigih olla ütel inemisel sääne võim, et nigu täämbä midägi vällä ütles, om tuu hummõn joba säädüs, ja terve maailm oigas. Arvada om meil Ameerikast viil pall’o üles löüdmäldä.
