Vana-Võromaa suidsusannu kuuntüükogo kuts kõrraldama suidsusannu kokkolugõmisõ talossit 3. lehekuu pääväl, ku peetäs ka «Teeme ära!» talossõpäivä. Tuu jaos om talossõlehe pääl vällä hõigat eräle talossidõ liik «suidsusannatalos».
Sannaumanigõ ja herkside inemiisi abiga proovitas timahava kõik Eesti suidsusanna üles lukõ. Egäüts, kinkal om koton suidsusann, võisi tuu kirja panda kodolehe savvusann.ee pääl. Et kõik sannaumanigu, esieränis vanõmba inemise, ei tunnõ hinnäst internetiilman väega kimmält, võinu «Teeme ära!» talossõpääväl uma külä sanna ütitselt kirja panda.
«Kõgõ internetitargõmb küläelänik võinu olla talgidõ juht, kiä haard kõik tõsõ hindäga üten,» seletäs üts sannu kokkolugõmisõ vidäjä Puksingu Marko. «Ja ku sannu om uman külän õnnõ mõni, sis või naabrikülä uma kah üle lukõ.»
Link «Teeme ära!» suidsusannatalossõ lehe pääle: https://teemeara.ee/tahelepanu-all/raamatujagamine-igauhe-harjumuseks/suitsusaunade-ulelugemise-talgud
