Kodoluuhuviliidsi lugõmislavva pääle om ildaaigu jõudnu vahtsõnõ raamat «Leevi kandi lood», kokkosäädjäs Srohmi Signe.
Raamadu välläandmisõga tähüstedäs Leevi külä edimäst nimmamist 500 aastakka tagasi. 268 leheküle pääle om kokkosäädjä kor’anu Leevi kandi elopildikeisi seo ao seest kooni täämbädse pääväni. Om legende, a ka periseloliidsi inneskist aigu kujotavit juttõ. Ja muidoki kõnõldas inemiisist, kiä omma kõgõ Leevi kandin sündünü seen ja takan.
Hääs lättes omma kokkosäädjäle olnu Leevi kodokandimuusõummi kor’at matõrjaal ja Mol’ovihu grupin «Leevi ajaloo laegas» alatõn 2014. aastagast jaedu mälehtüse. Raamadu pand elämä suur pääväpildikogo.
UL
