16. põimukuul tulõ Süvähavva luudustalon teemäpäiv «Põllult patta», kon saias tutvas tsäi- ja maiguhainu kasvatamisõ, näide maikõ ja umahuisiga. Käüdäs põllu pääl uma silmäga kasumist kaeman ja sis opitas hainust tsäivett tegemä.
Küllä tulõ kanõbikasvataja, kiä jaga tarkuisi ja pakk umma toodangut mekki. Päävä kulinaarnõ korgpunkt tulõ Raigi Liilia tettüisi süükega, miä saava valmis Uma Meki märgiga kraamist. Pääle tuu omma paiga pääl vallalõ talopuut ja kohvitarõ.
Päävast ossa võtminõ om massulda, a kõrraldaja uutva huviliidsi hinnäst Fienta keskkunnan sündmüse «Põllult potti» all kirja pandma.
UL
