Minevä riidi jaeti Villändin perimüsmuusiga lõikuspidol vällä etnomuusiga korgõmpi aastaavvohindu Etnokulpõ. Kandidaadi avvohindu pääle valõ vällä rahvamuusiga as’atundjist hindamiskogo ja avvohinna saaja selgitedäs vällä rahvahääletüsega.
Seokõrd sai kats Etnokulpi Võromaa laulik Kalkuna Mari. Tä kuulutõdi aasta muusikus ja timä laul «Elukoor» sai aasta laulus. Tõõnõ Võromaa preemiäsaaja oll’ lõõdsamiis Lindmetsa Harri, kiä sai Eesti Perimüsmuusiga Keskusõ erikulbi.
UL
Kalkuna Mari ja Lindmetsa Harri näütäse Perimüsmuusiga Aida lava pääl ummi avvohindu. Norkroosi Eriku pilt
