Minevä kolmapäävä oll’ Võrol Rahva Raamadu poodin kiränik Keräneni Mika raamadu «Saunarahu» näütämine. Jutu umist sannankäümisist köütse kiränik ütes raamatus kokko seo aasta alostusõn, ku oll’ Vanal Võromaal kirotamisõ-paon.
Raamadunäütämisele oll’ kokko tulnu paarkümmend huvilist ja aig läts’ müüdä kipõ ja ladusa jutuga. Kõgõpäält lugi kiränik ette mõnõ jutu umast raamatust, perän tuud vastas’ kullõjidõ küsümüisile. Tull’ vällä, et sannahuvilinõ kiränik ots sannast innekõkkõ vaikust ja rahulist olõmist ja et Võromaa ja Kar’ala savvusanna omma küländ üttemuudu.
UL
Keräneni Mika (sais pildi pääl) vahtsõ sannaraamatuga. Rahmani Jani pilt
