Rohilidsõ jõulu
Ma kuuli raadiost, et ku häste lätt, sõs om jõulupühhi aigu moro pääl vähämbält valgõ iäkard, ku ka lummõ ei olõ sadanu. A mille või ei jõulu rohilidsõ olla? Tuu om jo väega rahustaja värv, miä näütäs luutust, rahhu, kimmüst ja ello. Mis tuust, et nii üüse ku päivä om pümme. Ekä värvi lambitulõ omma suurõs abis, esieränis ku lumõraasa olõ-i ja keskpäävälgi ei lää niipall’o valgõs, et saa laetulõ är kistuta.
Õnnõ nuu jõulutulõ võissi palla ilma plinkmädä. Herevüst om niigi pall’o. Rohilidsõ jõulupühä andva märko, et pia om kevväi käeh ja elo lätt iks tsõõri pite edesi.
Muda Mari
