Võro instituudil om valmis saanu lavvamäng «Hummogust õdaguni». Mängjä saava minnä tsõõrikäügile ümbre Vana-Võromaa, kävvü läbi kõik katõssa Võromaa kihlkunda ja hüpädä sisse ka naabriidõ mano. Mängo tsõõr käü hummogu puult õdagu poolõ ja mängo vällämärkjä ütlese, et taad võit ka mängi hummogust õdaguni. Mäng käü nigu harilik vürflimäng iks ja passis innekõkkõ latsilõ, kiä joba lukõ mõistva, a mille mitte ka kõgõlõ perrele.
Komplektin omma vürhvli, mängunupi, mängulaud ja kaardi küsümüisi-tegevüisiga. Mängu saa 12 euro iist osta Võro instituudist vai telli internetipoodist umapuut.ee.
UL
