Harglõ kihlkunnan Tsirgumäel käü 11.–15. vahtsõaastakuul maaülikooli kõrraldõt kursus, kon huvilidsõ saava tiidmiisi hobõsidõ tarvitamisõst mõtsatüü man.

Maaülikooli keskkunnakaitsõ ja maastigukõrraldusõ profesri Sepä Kalev seletäs, et rahvusparkõn ja liinu lähkül om umanikul ja huuldajal tihtsäle murõ mõtsamatõrjaali kättesaamisõga. Saman om keskkunnakaitsõ jaos tähtsä majanda puulluuduslikkõ paiku tasaligult ja anda tüüd hobõsilõ, esieränis mi kodomaitsilõ tõugõlõ.

Pääle tuu om väikuil ettevõtjil ja väikumõtsaumanigõl tihtsäle hädä väikuidõ kogussidõ, erisortimendi vai harvõsterist putmada mõtsamatõrjaali kättesaamisõga. «Väikuidõ kogussidõ kättesaamisõs tulõ otsi kergembät tehnikat, ja tan om hopõn käeperi ja konkurentsivõimõlinõ,» seletäs hobõsidõga mõtsamajandamisõ iistkõnõlõja, Villändi kultuuriakadeemiä kaasprofesri Partsi Priit-Kalev.

Hobõsõmõtsatöie päivi kõrraldas Eesti Maaülikooli keskkunnakaitsõ ja maastigukõrraldusõ opituul hobõsõmõtsandusõ algkursusõ raamõn.
Neläpääväl, 14. vahtsõaastakuul oodõtas kursust kaema kõiki huviliidsi, kink egäpäävätüü vai huvi om köüdet mõtsandusõ ja hobõsõmajandusõga.

Eesti Maaülikuul

Mõtsamatõrjali vällävidämine hobõsõga. Pildi pääl hoit uhjõ hobõsidõga mõtsamajandamisõ iistkõnõlõja Partsi Priit-Kalev.