Minevä puulpäävä saiva huvilidsõ Ähijärvel puusuusa vai sis rahvaperätselt pütülavva ala panda ja noidõga mõnõtunnidsõ matka tetä.
Alostusõn näüdäs’ matkajuht Rätsepä Rauno, kuis suusõ tõrvatas, ja opas’ suusõ ala parafiini määrmist. Juttu tetti ka suusasõitmisõ ohotusõst ja sis läts’ tosinkund huvilist avastama Karula kihlkunna Ähijärve kandin säändsit paiku, kohe jala vai massinaga om rassõ ligi saia.
Suusapäävä kõrrald’ riigimõtsa majandamisõ keskus.
UL
