Sügüse, 18. süküskuul plaanitas pitä timahavast Urvastõ kihlkunna päivä. Seokõrdsõ kihlkunnapäävä moto om «Juuri manu». Säändsel teemal plaanitas pitä ka ettekandõpäiv Heimtali kerikun ja kontsõrt Urvastõ kerikun.
Inne kihlkunnapäivä tahetas vällä valli Urvastõ kihlkunna lipp, et tuud kihlkunnapääväl kogokundõlõ näüdädä ja kinki. Plaan kihlkunna lipust om kõrraldajidõ pään olnu jo aastit.
Timahavadsõ Urvastõ kihlkunna päävä kõrraldaja Võro vallavalitsus om vällä kuulutanu Urvastõ kihlkunna lipu konkursi. Konkursilõ pallõldas saata ummi mõttit ja plaanõ, määne kihlkunna lipp olla võinu. Võitja valitas vällä rahvahääletüsega ja võidutüü esitäjä saa ka avvohinna.
Lipuplaanõ oodõtas 1. põimukuus (01.08.2021) kas paprõ pääl vai elektroonilidsõlt Võro vallavalitsustõ aadrõssiga Võrumõisa tee 4 a, Võro liin vai e-postiga aadrõssi maarika.rosenberg@voruvald.ee pääle. Teedüst või küssü ka Rosenbergi Maarika käest telefoni 516 5751 päält.
UL
