Puulpäävä, 29. mahlakuu pääväl olli üle Eesti vallalõ kalasadama. Mehikuurma sadaman Lämmijärve veeren Vana-Võromaa põh’aotsan sai värskit kalla osta õkvalt paadist, pakuti esimuudu kalasüüke, sai kallu tundma oppi ja noid õngõga järvest püüdä.
Kalasõpru oll’ paiga pääle tulnu umajago. Latsõ mässässi mänguvälä pääl ja mõnõ julgõmba võti ette käügi laudtii pääl, miä oll’ viil osalidsõlt vii all, et nätä, kuis rabakunnõ sinist värvi esädse pulmapito pidävä, a tuusjaos oll’ viil tsipa varra.
Fastrõ Mariko
Kalasadama päiv Mehikuurman. Fastrõ Mariko pilt
