Minevä puulpäävä peeti Mõnistõ kandin vallalidsõ Mehkamaa päivä, kon kõnõldi paiklikõst inemiisist, ettevõtmiisist ja aoluust. Edimäst kõrda näüdäti vällä Mehkamaa kogokunnalippu.
Lipu värmi omma sama, miä olli inneskidse Mõnistõ valla lipu pääl: hõpõ, rohilinõ ja verrev. Lipu veeren om tarvitõt Harglõ kihlkunna naisi hammõ käüsse kirja.
Pildi pääl näütäs Mehkamaa kultuuriseldsi vidäjä Roobi Katrin vahtsõt lippu, tedä tugõ tuu man paiklik naisiansambli HarMõn.
UL
Sarapuu Külliki pilt
