Minevä nätäl käve Võromaa keskraamadukogo Kellä Katõ kirändüsklubin Võromaa juuriga kirämiis ja kirändüse uurja Kronbergi Janika.
Klubilidsõ saiva teedä, kuis uurja jõud lõpus niikavvõlõ, et tund esi kah sundi ummi mõttit raamatus köütä. Kuigi raamatit om täämbädsel pääväl kae et inämbki ku lugõjit. Olku aig lühkü vai pikk, a Kronbergilt om uuta ka vahtsõt kaasi vaihõlõ säetüt mõttõrännängut – toda kolmõ Karli seltsin. Pääle Ristikivi omma sääl kohal kats Võromaa miist – Adsoni Karl Artur ja Ast-Rumori Karl.
Kirändüse sõbra veivä jutu ka sinnä, mis eesti kirändüsen parhilla sünnüs ja midä põnõvat lövvüs. Aig viirdü nii, et kelläkatõtsõst lumõvalgusõst sai aknõ takan sükäv hämmär.
Kabuna Kaile
Kirämiis ja kirändüse uurja Kronbergi Janika Kellä Katõ kirändüsklubin. Kabuna Kaile pilt
