7. hainakuust mängitäs Leevi vabaõhulava pääl Ilvese Aapo kirotõdut tiatritükkü «Ivan Narodny – mees, kes luiskas tõde».
Tükk herätäs ello 1869. aastagal Räpinä vallan sündünü kiränigu ja müüdiluuja, kiä sai maailman tunnõtus Ivan Narodny nime all, päält timä saa nätä viil hulga maailma suurkujjõ.
Autor Ilvese Aapo selet’ puultõistku nädälit inne esietendüst, et proovi käävä huuga ja õkvalt joba nakkasõ suurõ läbimängu. «Lava pääl käü ligi puulsada inemist ja mõni mäng peris mitund rolli. Põhiprohvi ommava joba päält kuu ao har’otanu ja nailõ tükk väega miildüs. Üts tagasilüük piaaigu oll’: nuur Lenin tekk’ sporti ja murdsõ põlvõ är, a õnnõs es olõ noorõ Lenini viil maailmast otsan ja saimi kipõst vahtsõ. Nii et uuta või umba suurt tiatrit!»
UL
Etendüse jaos laul laulõ linti Võro nuurikuur. Pilt Räpinä valla FB-lehe päält
