Põimukuu lõpupoolõ ilmu Kärgula bussipiätüse kõlladsõ saina pääle sääne kiri, nigu pildi päält nätä. Luulõtus om kirotõt paksu markõriga ja allkiräs om pantu C. Et allkiri viitas luulõtaja Contralõ, uursõ Uma Lehe toimõndus luulõtaja käest perrä, kas tego om timä luulõtusõga ja kas tä tiid midägi tuust, mille tuu om bussipiätüse saina pääle kirotõt.
«Mul om säändene luulõtus kül,» tunnist’ Contra. A kiä tuu sinnä kirot’? «Tuud ma ei tiiä.»
Ku kiäki lugõjist taa kriminaalsõ luu kotsilõ midägi inämbät tiid, või Uma Lehe toimõndustõ teedä anda.
UL
