Valmis omma saanu filmi timahavatsõst Umast Pidost. Filmi 1. piimäkuul Põlvan Indsikurmun peetüst võrokiilsest laulupidost om kokko säädnü Uibo Tauno. Timahavadsõ Uma Pido lavastaja oll’ Leesalu Diana.
Kattõ Umast Pidos tettüt filmi saa kaia Uma Pido Youtube’i kanali päält. Edimäne film «Uma Pido pääkontsõrt» and täüspikä ülekaehusõ pido pääkontsõrdist, tõnõ film «Inne ja pääle Uma Pido pääkontsõrti» näütäs üten intervjuudõga kibõnit tuust, miä sündü inne ja pääle pito Põlva liinan ja Indsikurmun.
Filmi Umast Pidost jõudva ETV ekraani pääle kah. Filmi «Inne ja pääle Uma Pido pääkontsõrti» saa kaia joba seo pühäpäävä, 17. märdikuul kell 21.50 ETV2 päält, pääkontsõrdi täüt ja lühembäs tettüt variantsi näüdätäs kunagi ildampa.
Filme tegemist tugõsi Põlvamaa partnõrluskogo Leader-programmist.
UL
Õkvatii Uma Pido pääkontsõrdi ülesvõttõ mano: https://youtu.be/hltcIZQGykI?si=z55g8ZprZqh16hOM
