Märdikuun saa VanaVõromaa Käsitüü esindüsen kaia esimuuudu välläpanõkit Rosenbergi Dagmari tettüist käsitüüasjust.
Käsikudamisõ massinaga koedu kleidi, kampsi ja undruku omma õkva neo rõiva, miä passisõ sügüse sälga panda. Rõivin saava kokko luudusõvärme maheligu tooni, ilostusõs heegeldedü ja välläummõldu kirä ja sissekoedu, rahvarõivist tutva kirä. Näütüsele and kodost olõmist mano lämmi valgus, midä hiitvä makrameen poimituisi kupslidõga lambi – Dagmari kässi alt tulnu vahtsõ elo saanu lavva- ja põrmandulambi.
Näütüs om Võro liina Ideekuan (majakõnõ Keskliina kooli hoovi pääl Vabadusõ 12) üllen märdikuu lõpuni tüüpäivilde kellä 10–15.
UL
Käsitüünäütüs «Et õks ihol ja hengel olõsi lämmi!»
