Nika ku löüdäs Koikküllä vahtsõ ruumi vai määnegi tõõnõ hää välläpäsemine, sõitva kogohoitja vai peris Valga keskraamadukogo päälik Rätsepä Triinu piirkunda pite ja vidävä suuvjilõ raamadu lakja. Raamadukogo-massin alostas kell 10 hummogu Kallikülän ja jõud kell 16 Harglalõ. Päävä joosul om kümme piätüst. Lõunapausi ei olõ.
Küsümüse pääle, kuimuudu päiv vällä näge ja kavva niimuudu raamatit jaetas, vastas Triinu: «Tüükotus ehk puutri, telefon, raamadukasti ja kohvitermos omma massina pääl üten, kevväi om käen. Niimuudu om peris hää tüüd tetä. Loodami, et lövvämi seolõ autoga raamatidõ lakja vidämisele kipõlt välläpäsemise – vahtsõ ruumi vai peris raamadubussi. Sõs ei piä kastõga raamadukoko üten kandma. Ka ilma iist olõssi kaitstu.»
Laube Kadri
Valga keskraamadukogo päälik Rätsepä Triinu. Laube Kadri pilt
