Kolmapäävä, 14. lehekuul kõrraldas Muinsuskaitsõammõt Võromaa muusõumin infopäävä ja näütüse säändsist as’ust, midä hobiotsja omma Lõunõ-Eestist perämäidsil aastil löüdnü.
Nätä saa Muinsuskaitsõammõtilõ jõudnuid ja Tarto ja Tal’na ülikooli arheoloogia tiidüskogodõn hoitavit värskembit Lõunõ-Eesti arheoloogiliidsi löüdmiisi. Päält näütüse kõnõldas detektoristõ ja tiidläisi kuuntüüst ja uuritas, midä vahtsõt Lõunõ-Eesti aoluust om noidõ löütüide asju perrä teedä saadu.
Näütüs om vallalõ kellä 10–18, teedüssepäiv alostas pääle kell 16. Teedüssepääväl kõnõlõsõ Kangerti Nele ja Kangro Ragne Muinsuskaitsõammõtist, Otsa Mirja Võromaa muusõumist, Valgu Heiki ja Saage Ragnar Tarto ülikoolist. Teedüssepäiv om massulda, pääväst näütüst saa kaia muusõumipiletiga.
UL
