Timahavadsõ Hurda Jakobi rahvakultuuri avvohinna saava Tarto Ülikooli rahvakultuuriansambli kunstilinõ juht Asberi Aveli ja võrokõsõst kodouurja Kaldma Rein.
Statuudi perrä andas Hurda Jakobi avvohind vällä egä aasta eesti rahvakultuuri edendämise ja ütsipuiõ hoitmisõ iist ütele üle Eesti ja ütele Põlva maakunnan silmä paistnulõ inemisele.
Üle-eestilidse preemiä saaja Asberi Aveli om olnu eesti rahvatandsu valdkunnan teküs joba 25 aastat. Tä om olnu aastit Eesti üldtandsupidodõ miiskunnan ja timä tands «Kohtumised» om timahavadsõ suurõ tandsupido kavan kah. Timä käe all toimõndas parhilla säidse rahvatandsurühmä.
Põlvamaa avvohinna saaja om aoluulasõ haridusõga kodouurja Kaldma Rein, kiä om kodokandi aoluust kirotanu nii aolehtile ku ka umaette raamatit.
Hurda-preemiä andas vällä joba 34. kõrda.
UL
