Olõmi Tarto Ülikooli eesti ja üldkeeletiidüse tiidläse ni uurimi võro ja seto perride keelepoliitikat, tuud, määndsen keelen kõnõlõsõ võro ja/vai seto kiilt mõistja inemise umatsidõga, innekõkkõ latsiga. Tuus jaos küsütelemi aastaga lõpuni võrokõisi ja setosit. Oodami miika kõnõlõma inemiisi, kiä 1) pruukva (inämbüste) ummi mitte viil täüsiäliidsi latsiga võro vai seto kiilt, 2) omma vannusõn 18–39 aastat ja vanõmb(a) omma näidega (inämbüste) võro vai seto kiilt pruuknu ja 3) omma vannusõn 40–65 ja mõistva võro ja/vai seto kiilt, a kõnõlõsõ ummi latsiga (inämbüste) eesti keelen. Küsütelemine võtt aigu puul tunni kooni tunn ja om võro/seto keelen. Kõnõlõmi tuust, määndsen keelen ti perren esi olokõrron kõnõldas.
Küsütelemine võetas üles (õnnõ helü) ja tuud hoiõtas ilma küsüteldü inemise nimeldä TÜ eesti murdidõ ja sugulaskiili arhiivin, kost taad saa pruuki õnnõ tiidüstüü jaos.
Tulõ avida võro ja seto keele pruukmist uuri! Küsütelemise aigu olõ-i võlss vastussit.
Küsütellä võimi kas Tarton vai sino jaos hään kotussõn aoluulidsõ Võro- ja Setomaa pääl. Ossa võtmisõs vai uurmisõ kotsilõ teedüsse saamisõs kiroda kas Plado Helenile (helen.plado@ut.ee) vai Laanõ Triinulõ (triinu.laan@ut.ee).
Plado Helen, Laanõ Triinu
