Võrokõisi kongressi vanõmbidõ kogo küsse kõiki hinnäst valimiisilõ üles säädnüisi kandidaatõ käest kümme küsümüst, kuis nä tugõnu võro kiilt ja kultuuri Vana-Võromaa umavalitsuisin. Kokko oll’ vastajit 18 nimekiräst, inämb vastusit tull’ sotsõ, Esämaa, EKRE ja Keskeräkunna esindäjide käest. Vastajit oll’ kõikist katsast umavalitsusõst, mis Vana-Võromaa piiren omma. Kokkovõtõ näüdäs’, et uma keele ja kombidõ edesipüsümise iist saisjit olõsi umavalitsuisin edespiten kah. Pikemb ülekaehus küsütlüsest om kodolehe vorokongress.ee pääl. Allpuul omma vällä tuudu kokkovõttõ vastussist katõlõ küsümüsele.
Eichenbaumi Külli
