Võro instituudi timahavasügüsene konvõrents tulõ 31. rehekuul, teema om seokõrd «Põlidsõ keele ja kultuuri muutuisi aol».
Ilman käümän olõvidõ muutuisi huu kipõ kasuminõ pand küsümä, kuimuudu nakkas tiidmäldä tsihin argnõvin olokõrdon käümä põlitsidõ kiili ja kultuurõ käsi. Konvõrendsi iistvõtja tahtvagi luvva arotusõ, kuis muutuisiga harinõmisõ abil umma põlist kiilt ja kultuuri, umma hindätiidmist ja väärtüisi alalõ hoita, kuis saa tehnoloogia väikese keele ja kultuuri hääs tüühü panda.
Pääettekandõ pidä konvõrendsil Tarto Ülikooli kliimatiidüisi profesri Posti Piia, kiä kõnõlõs kliima muutumisõst: miä om täämbä ja miä tulõ hummõn. Ernitsa Enn kõnõlõs vadjalaisist, Weberi Tobias Kraasna maarahvast ja Bloklandi Roger meä keelest. Päävä tõsõl poolõl saa võro kiil kah tähelepandmist: kuis läts’ keelel Nõvvokogodõ aol ja midä arvasõ võro keelest parhilladsõ koolilatsõ ja oppaja.
Konvõrents om massulda, huviliidsil tulõ hinnäst kirja panda 27. rehekuus. Teedüst saa mano Võro instituudi kodolehe wi.ee päält.
UL
