Olli nuur 18aastanõ abielonaanõ, tüüti telegraafih. Mu tüü oll’ viiä vastavõedu kirä postiosakunda, koh tüüt’ mu miis kah.
Sääl osakunnah olli kolm igäväst väntä naistõrahvast. Ku nä kuuli, et ma tulõ, touksiva mu mehe sortmisõlavva pääle pikäle ja naksiva täl pükse maaha tõmbama. Miis rüükse, et jätke perrä, mul naanõ tulõ joba ussõst. A nä es jätä perrä ja ma pidi tuud pilti nägemä egä päiv, ku tüül olli. A ma es ütle müüdä minneh sõnnagi.
Peräkõrd küsse mehe käest, kas tä om miis vai ei, ku kavva ma seod nall’a piä nägemä. Hädädse näoga miis vastas’, et ei saa midägi tetä, ku kolm kangõt maanaist sälä takast mano kargasõ. Näide jaos oll’ tuu suur nali, midä tetti pikkä aigo mino kiusamisõs.
Sirka
