Tsobokõsõ laulupido rongikäüki kaeman
Ütel üldlaulupidul olli kolm Võrumaa tsobokõist lännü kah pääliina, et kaia pidu rongikäüki. Ku Võrumaa laulja-tandsja näist müüdä marssõva, tekkü suurõmb larm, selle et rahvalõ miildü värmilidse ja rõõmsamiilse võrokõisist pidulidsõ.
Tsobokõsõ aiva ummi asju ja panni Võrumaa rahvast tähele viil sis, ku nuu pia müüdä olli lännü. Ummõhtõ näivä nä är, et võrokõisi iin kõnd uhkõ sammuga pikk illus tütärlats.
Kõgõ suurõmb tsobokõnõ kuulut’ tõisilõ, et tä pand toolõ pikäle tütärlatsõlõ käpä pääle. Juusksõ sis ettepoolõ, et tütrikulõ näkko kah kaia. Äkki röögät’ tä üle muusiga: «Võih jummal ku vana!»
Muidoki oll’ tuu «pikk illus tütärlats» Leete Kai, kellele asi väega nall’a tekk’. Tä kärät’ ullikõsõlõ vasta: «Noh mis sa 1910. aastal sündünüst inemisest sis luutsõt!»
