Susi sinno söögu!
Ma kuuli raadiost, et soe võivaki süvvä, midä ja kedä tahtva. Ku susi om lihasüüjä elläi, sõs või süvvä nii mõtsa- ku kodoeläjit, süü kasvai inemise är.
Annas taivas, et nii kavvõhe as’a viil ei lää, inne ku säädüse är praavitõdas ni jahimehe saava jälki soe mõtsah hoita. Pand iks imehtämä, ku suur või olla väiku hulga inemiisi võim. Ütle viil, et eestläse omma vagadsõ, nakka-i vasta ja lepüse kõgõga. Iks lövvüs mõni aktivist, kes om uma mõttõ nimel valmis kõikiga tüllü minemä.
Parõmb olõs saista mõtskitsi iist. Ku noid jääs veitüs, sõs olõ-i suuril lihasüüjil mõtsah kedägi murda. Nii ommaki järekõrrah lamba ja pini. Lõpus ka inemise.
