Trump om hark
Ma kuuli raadiost, et otsitas Eesti trumpi. Otsitas vahtsõt välläpäsemist 21. saandi edimädse veerandi välläkutsõtõlõ. Või saata ummi arvamiisi, miä om tuu kimmäs asi, mis meid siin eloh hoit vai kuis elo parõmbas läässi. Vai kuimuudu hääd pöörähüst mitte raisku laskõ.
Om pakut, et mi trump võissi olla Eesti naanõ, kiä tulõ kõgõ toimõ. Ku kaardimänguh om kimmäs trump süämekujolinõ hark vai ärtu, sõs inemiisi jaos kah om süä iks viil kõgõ tähtsämb. Inemisel piät süä olõma õigõ kotusõ pääl. Sa võit olla rikas vai vaenõ, tark vai ull, a sa piät olõma hää inemine. Selle om hark kõgõ tähtsämb mast ja trump.
