Sõida bussiga!
Ma kuuli raadiost, et bussijuhi nakkasõ inemiisi tiiperve pääl maaha laskma. Mitte püssäga. Säädüsehe pandas kirja, et bussijuhil om õigus inemine piätüisi vaihõpääl umah tiiotsah bussi päält maaha laskõ.
Tulõ vällä, et siiämaani omma hää ja abivalmi bussijuhi säädüst riknu: küsümise pääle omma poodikotiga vanamemme kõgõ tarviligu paiga pääl maaha saanu. Niisama koolilatsõ. Parhilla ütles säädüs, et ku bussijuht koolilatsõ piätüisi vaihõl maaha pand, piät tä latsõ käekõrval üle tii kah avitama. Vanainemise võissi kah julgõhe üle tii avita. Aigu om.
