Puhka kotoh!
Ma kuuli raadiost, et elo om nii hääs lännü, et tüüd taha-i suvõl inämb kiäki tetä. Kõik tahtva õnnõ ilota ja puhada. A puhkama piät kotoh, saa-i kavvõndahe sõita.
Rongijuhtõst om nii suur puudus, et rongi jääse saisma ja võit läbi Eestimaa õnnõ bussõga sõita. A parhilla ehitedäs Tal’nast Tarto pääle vahtsõt raudtiid. Kas sääl nakkasõ sõitma esijuhtva rongi? Kas Rail Balticu pääl, ku tuu ütskõrd piässi valmis saama, nakkasõ kah bussi sõitjit vidämä, ku rongijuhtõ ei jakku? Ildaaigu oll’ Tal’na linnujaama ümbre taivaruum üüse kinni pantu – es olõ inemiisi võtta. Hää no, et bussijuhtõ viil jakkus, muido piätki õnnõ kotoh puhkama.
