Sulbi külätiatri 20. juubõlipidol 29. märdikuul Osula koolimajan anti vällä maailma edimäne külätiatri Oskar ja tuu sai edimäst kõrda maailma aoluun päältkaeja. Elosuurusõn Oskari olli vällä märknü ja valmis tennü kompetentsikeskusõ Tsenter insinöri ja tuu tuudi lava pääle kuvvõn spioonikohvrin ja panti kokko õkva kaejidõ silmi iin vallalõ trullunu etendüse käügin.
Nigu tiatrijuubõlil iks, oll’ pidol suur tort, midä näütlejä ütenkuun ütidse väidsega vallalõ lõiksi (pildi pääl). Pidoõdagu juht oll’ Eesti kõgõ parõmb küläelo as’atundja Libe Taavi.
UL
Sulbi külätiatri näütlejä torti vallalõ lõikaman. Valsi Kristi pilt
