Nuurt näütlejät es taheta kuuli vasta võtta
Umal aol käve kuulõ sisseastmiseksämil egäsugudsõ kontrolli, et olla kimmäs: kuuli saava iks poliitilidsõlt õigõlõ mõtlõja noorõ. Esieränis kõva kontroll oll’ muusigaülikooli vastavõtul, kon lavakunstiosakunda oll’ suur murdminõ. Sinnä tull’ sisse astma egäsugumaidsi karvatsit ja sulõliidsi.
Oll’ nuuri näütlejide kuuli vastavõtmisõ aig. Läts’ sis valijidõ komisjoni ette üts poiss, kellel olli hammõ pääl metallnöpsi. Noidõ nöpse pääle olli verevä värmiga kirotõdu tähe N, L, K ja P. Üts virgõ komisjoniliigõ küsse õkva, midä neo tähe tähendäse. Poiss es taha edimält midägi vasta kosta, a sis ütel’, et nuu omma timä nimetähe: Nebel, Lauri, Karli poig.
Edimält es tahetagi tuuperäst poissi kuuli võtta, a peräkõrd iks löüti, et midägi halva ei olõ tä kah ummi nöpsega vällä paknu, nii et kõlbas näütlejäs opma külh.
Tossu Tilda
