Vastusõlda küsümüse
Ma kuuli raadiost, et soejaht om lõpus pääle naanu. A olõ-i viil kimmäs, et tuud jahilupa jälki ümbre ei pöördä. Talopidäjä, jahimehe, tiidläse ja luudusõkaitsja omma nigu luik, haug ja vähk. Egälütel om uma tarkus ja kõikil om õigus. A soe tapva kar’amaal eläjit toolõ kaemalda, midä tiidläse kõnõlõsõ vai midä kohtuherrä otsustasõ.
Eski Saksah ja Soomõh tegevä soe kurja ni plaanitas näile jahti pidämä naata. Meil om susi rahvaelläi. Kas tuuperäst piässi laskma näil ellä nigu tahtva? Joulukuu om kätte jõudnu, pia hõigatas vällä joulurahu. Kas soe kah tiidvä, et pühhi aigu või ei kar’amaalt vai laudast lambit murda? Küsümüisi om pall’o, a vastussit ei tiiä..
Muda Mari
