Võro instituut om kuulutanu vällä 39. latsi ja nuuri võrokiilside kirätöie võistlusõ «Mino Võromaa». Võistlusõlõ oodõtas kõiksugutsit kirätöid: juttõ, luulõtuisi, nal’ajuttõ, näütemängõ, katõkõnnit, märgotuisi, laulõ jne. Timahava saa valli kuvvõ teemä hulgast:
1. Miä minno üten haard (sport, muusiga, TikTok vai miäki muu)
2. Ja ussõ takan oll’…
3. Ku ma olõssi oppaja, sis…
4. Mi perren/külän om alalõ üts vana kommõ
5. Kas ikkõ vai naarda?
6. Kunstmudsu vai perismudsu puult vai vasta
Kimmäle või kõgõst muust kah kirota. Hinnatas vannusõrühmi perrä (I–III, IV–VI, VII–IX ja X–XII klass). Võistlustöid oodõtas radokuu 14. pääväs (14.02.2026) e-postiga kaile.kabun@wi.ee. Ku tüüd kuigi e-postiga saata ei saa, või käsikirä tuvva/saata Võro instituuti (Tartu 48, 65609 Võro). Parõmbilõ kirotajilõ avvohinna! Lähembält saa võistlusõ kotsilõ küssü tel 525 3215 (Kabuna Kaile).
UL
