Võromaa keskraamadukogon saa kaia eesti luulõraamatulõ pühendedüt näütüst «57 708 päivä märgilist eesti luulõt». Muu hulgan tulõtas välläpanõk miilde, et käü eesti raamadu aastak.
Rändnäütüsele om valit 30 luulõteost tsihiga näüdädä eesti luulõtraditsiooni kirivüst. Säändse valigu omma tennü kolm nuurt kirändüstiidläst: Kauri Rahel Ariel, Savimägi Katrinka Josephine ja Vesteli Kerstin.
Välläpanõkihe omma Runneli Hando ja Alveri Betti kõrvalõ mahtunu tunnõdu võro kiränigu Kauksi Ülle ja Contra ummi luulõkogodõga «Contrarünnak» (2004) ja «Hanõ vai luigõ: tossin lugulaulu» (1989), niisama Põlvan sündünu ja vähämb teedä Kulla Gregor uma proosaluulõga. Arv 57 708 märk kõgõ seo man päivi, mille sisse luulõn rändämine Koidulast kooni Pihelgasõ Carolinani jääs.
«Mi olõmi vällä märknü raamadu, miä tähüstäse eesti luulõ tii pääl määnestki käänängut,» ütel’ Kauri Rahel Ariel välläpanõgi vallalõ tegemisel.
Kabuna Kaile
«Mi olõmi vällä märknü raamadu, miä tähüstäse eesti luulõ tii pääl määnestki käänängut,» ütel’ Kauri Rahel Ariel välläpanõgi vallalõ tegemisel. Kabuna Kaile pilt
