Artiklivõistlust «Kesk- ja Hummogu-Euruupa kevväi» peetäs 2021. aastagal võro Vikipeediän edimäst kõrda. Võistlus om hää võimalus võrokeelist vapa võrgoentsüklopeediät inemiisile tutvusta ja kutsu näid üten lüümä – Vikipeediät saa egäüts tävvendä.
Võistlust peetäs kooni 31. lehekuu pääväni. Parõmbilõ kirotajilõ omma vällä pantu avvohinna. Avvohinnafond om 500 eurot.
Võistlusõlõ oodõtas inemiisi kirotama vahtsit artikliid Võromaa, Kesk- ja Hummogu-Euruupa maiõ, näide kultuuri, poliitiga, ütiskunna, aoluu ja täämbädse päävä kotsilõ. Võistlust peetäs kõrraga mitmõl maal ja mitmõn keelen.
Ligemb teedüs aadrõsi https://fiu-vro.wikipedia.org/wiki/Wikipedia:Artiklivõistlus_CEE_kevväi_2021 päält.
UL
