Säändse päälkiräga võrokiilse tükü kandsõ Puiga näütetsõõr Kääpä hooldõkodon ette 10. põimukuu pääväl. Tükü oll’ säädnü lava pääle juhendaja Vijardi Külli. Mängse Piirisilla Koit, Rannula Anneli, Miti Liina, Palmi Marget, Kõlli Irmen ja Taaberi Maret.
Seltskund mängse nigu peris näütlejä. Nal’ameistri Luts kirot’ seo tükü ammu, a kõlvas’ häste täämbäste päivä kah. Külävanõmba mano tulõva ütstõsõ perrä viis naist. Külävanõmbal om järgmädsel pääväl sõit Talinahe ja naisil om vaia anda tälle üten viis pakikõist. Ku väiku nuu olli, tuud saimiki nätä.
Päält etendüst kammand’ Vijardi Külli kõik tuu näüteseltskunna rivvi ja näile tetti üts pikk kässiplaksutaminõ. Kodotii pääle sai seltskund üten üte pakikõsõ tenos ja meelehääs. Tulkõ tõnõkõrd viil, ütli nuu, kiä etendüst olli kaenu.
Valpri Liina
Huma Helje pilt
