Kooni 15. rehekuu süäüüni saa saata pilte ja lühkit videoid timahavatsõlõ Hiite kuvavõistlusõlõ. Võistlusõ teema om «Eestin ja muial maailman olõva pühäpaiga». Ütteviisi passisõ nii värske ku ka aastidõ iist üles võedu pildi.
Võistlusõ pääavvohind om 1000 eurot, hõimurahvidõ pühäpaiga avvohind ja Soomõ pühäpaiga avvohind mõlõmba 300 ja kooni 16aastaidsi nuuri avvohind 200 eurot. Päält noidõ om vällä pant viil hulga eräavvohindu.
Vana-Võromaa tunnõtumba pühäpaiga omma Tammõ-Lauri tamm, Pühäjõgi ja Taivaskoda. Põlitsit pühäpaiku lövvüs egän kihlkunnan ja ligi 1700 Eesti pühäpaika omma kantu luudusliidsi pühäpaiku kaardi pääle, midä saa kaia aadrõssi kaart.hiiepaik.ee päält.
Pühäpaiku pildivõistlusõ teedüst saa aadrõssi hiis.ee/kuva/2023 päält.
UL
