Vana-Võromaa kultuurikuan om puulpääväst valla läti rahvuslidsõ käsitüü välläpanõk päälkiräga «Meie».
Kultuurikotta jõudsõ õnnõ väiku jago näütüsest, miä oll’ Riian välän minevä suvi lõunõnaabridõ laulu- ja tandsupido aigu. Suurõst näütüse-veimevakast veidü tähendäs siski peris pall’ot: imehtellä saa paarisaa meistri luudut ligi 700 tüüd. Kõik seo om üts hää ja rahulinõ, ka äratundmist pakva kaeminõ, selle et pall’ogi lätläisi värmi- ja kiräilmast om meile tutva ja lähükene.
Lätläse pidävä umakultuurist kõvva luku ja näütäse tuud vällä kah. Nii olli käsitüülise näütüse valla tegemise pidolõ üten võtnu ka uma pillimehe ja muusiga. Pildi pääl juhataski lätläisi avasõna sisse toropillimängjä.
Kabuna Kaile
Lätläisi avasõna juhatas sisse toropillimängjä. Kabuna Kaile pilt
