4.–5. rehekuu pääval peeti Villändi liinan perändüsfestivali. Umakultuuri oll’ näütäma tult egäst Eestimaa nukast ja muustki ilmast.
Muusiän teiva kuivalt vihtlõmisõ ettenäütämise Võromaa sannanaasõ Tuisu Ene ja Taali Kati. Katõl käel alanu vihtlõminõ lõppi neläl käel. Vihõldav oll’ kotusõpäälne priitahtlik, kiä ütel’ perän, et tunnõ oll’ nii õnnis, nigu olõs pilve pääl är käünü. Vihaga sopsmisõ mano käve ka väiku soonõtasominõ, vehvermentsivii pääle pritsmine ja apõlsiniõli nuhega hellätämine. Noist katõst viimätsest saiva ossa ka nuu, kiä nõnnapite talitusõ man vaheva.
Lisas avalikulõ ettenäütämisele oll’ sannanaisil üles säet eräle nukakõno, kost sai mi kandi sannakombidõ kotsilõ teedüst küssü ja kon noid vihtlõmiisi viilgi tetti.
Õkva Margit
Õkva Margiti pilt
