Liigumi iks edesi!
Ma kuuli raadiost, et mitmõl puul maailmah tahetas kuulõh latsil nutitelehvoni är keeldä. Tuu om umbõs sääne tagasiminek, et keelämi autidõga sõitmisõ är ja käsemi inemiisil liinibussõga sõita. Nigu viiskümmend aastat tagasi.
Ku sada aastat tagasi edimädse autidõga liiklusõnnõtusõ juhtu, arvati kah, et massina tulõ är keeldä. A sõs tetti liikmissäädüs ja parhilla mahusõ kõik tii pääle sõitma. Sammamuudu tulõ nutitelehvonõ pruukmisõ kotsilõ tetä mõistligu riigli, minkast lats kah arvu saa. Kiildmine tii ei asja parõmbas. Om hää ütlemine, et hambapastat inämb tuupi tagasi panda saa-i. Tulõ iks edesi liiku.
