Võro keele nädäli kavan om seo puulpäävä savvusanna-lavvamängu mängmine. Noorõ võrokõsõ näütäse 8. märdikuul kellä 13–15 ette, kuimuudu seod lavvamängu mängi saa ja huvilidsõ omma oodõdu üten mängmä.
Terve seo nätäl om säälsaman üles säet savvusanna pildisain, kon man saa pilti tetä. Kõrraldaja Toomõ Triin (pildi pääl) kuts üles kõiki pilditegijit ummi pilte sotsiaalmeediän kah jagama ja tähistämä pilte märgosõnnoga #savvusann #vanavõromaa. Pilte jagajidõ vaihõl loositas vällä avvohindu.
Vana-Võromaa suidsusannakombõ omma UNESCO üleilma tähtsän kultuuriperändüse nimekirän.
UL
Toomõ Triin Kagukeskusõn sannasaina man. Rahmani Jani pilt
