Om kuulda, et nüüd, ku välästpuult koto seltsi otsi ei lubata, pruukva pall’o inemise võimalust tuvva seldsiline kodo. Nii om mõni eläjide var’opaik kogoni peris tühäs jäänü.
Varjupaikade MTÜ Võro var’opaiga juhataja Rehemetsa Relika ütel’, et viimätside nädälide joosul om huvi näide kostiliidsi vasta tõtõstõ kasunu. Ülepää om aasta algusõst pääle Võro var’opaiga eläjist vahtsõ kodo löüdnü 22 kassikõist ja säidse pinni.
Kassikõisi, kiä hääd perremiist uutva, omgi näil parhilla kats: Vello ja Jasper. Pildi pääle jäi näist Vello – üts vällänägemise poolõst kül harilik, a väega sõbralik kass. Kiäl huvi nellä jalaga seldsilidse löüdmise vasta nõssi, tuul mass kaia Võro var’opaiga postituisi Facebookin.
Kabuna Kaile
Kass Vello Võro eläjide var’opaigan. Pilt Võro eläjide var’opaiga Näovihust
