Tšaikovski ballett «Luiki järv» om ainus, midä ma mitmid kõrdu kaeman olõ käünü. Lääsi viilgi, ku õnnõ olõsi. Kats kõrda om tuu lavaluuga juhtunu midägi eräkõrralist.
Edimäne om sääne. Olli piledi saanu rõdu pääle. Istsõ, ilust lummatu, ja kõrraga kai: tsill’ukõisi luigõkõisi ei olõ rian neli! Näid om katõssa! Mul oll’ innegi ette tulnu topõldnägemist, a edimäst kõrda oll’ pilt mu jaos topõldkingitüs. Mille iist külh?
Tõnõ lugu. Latsõ tiidvä, mis mullõ miildüs. Saigi kats piletit umma lemmikballetti kaema. Ku mi tütrega õigõl pääväl Estonia manu jõudsõmi, paistu mullõ, et rahvast om vällän väegä veidü. Vast omma kõik joba seen? A seen es olõ niigi palïu õnnõlikkõ nätä. Kassapidäjä istsõ paigan. Säält saimiki teedä, et meil omma külh täämbädse piledi, a tuu täämbä tulõ aasta peräst.
Tull’ kah.
Panga Milvi
