27.–28. rehekuu pääväl tulõ Võro instituudi egäaastaganõ õdagumeresoomõ konvõrents, kon timahavva kõnõldas rändämisest. Inemiisi rändämist kaias innekõkkõ põlisrahvidõ ja keelesaari näütel: üte küle päält, kuis nä omma kujonu, tõsõ küle päält, kuis rändämine mõotas näide püsümist, muutumist ja är kaomist.
Tähelepandmisõ all omma nii õdagumeresoomõ väiku rahva ku ka tõsõ põlidsõ rahva ja põliskiili kogokunna ümbre Õdagumere ja kavvõmbal.
Konvõrendsi plenaarkõnõlaja omma arheogenoomika prohvesri Tarto ülikoolin Tambetsi Kristiina ja soomõ-ugri sõnavara ja nimmi uurja, saami keeletiidüse osaaoga prohvesri Tromsø ülikoolin Saarikivi Janne. Konvõrendsilõ saa ettekandõga kõnõlajas vai niisama osavõtjas hinnäst kirja panda 15. rehekuuni.
Konvõrendsi tõsõl pääväl mindäs kuun Lindora laatu ja kaias tõisi Võromaa paiku, kon om määnegi aoluulinõ köüdüs rändämisega.
Ligemb teedüs ja kirjapandminõ kodolehe wi.ee pääl.
UL
