5.–6. hainakuul peetäs Moosten rahvamuusigatüütlüisi festivali Mooste Elohelü. Muusikit ja muusigahuviliidsi kutsutas kokko, et tähistä festivali 25. sünnüpäivä.
Timahavadsõ festivali teema om Eesti luudus ja inemise läbikäümine luudusõga. Katõ festivalipäävä seen om Mooste mõisa täüs muusikat ja mõnusat folgiõhkkunda, kontsõrtõ, tüütarri, matkamist. Festivali lõpõtas võistluskontsõrt.
2024. aastal om võistluskontsõrdi kohustuslik lugu rahvalaul «Vihmakõnõ, vellekene». Luu om linti laulnu Rõugõst peri Männiste Linda (1911–1999).
Vallalõ om lännü ossavõtjidõ kirjapandminõ festivali pääväprogrammin ja võistluskontsõrdil ütenlüümises. Tuujaos tulõ osalisõl täütä ankeet festivali kodolehe moostefolk.ee pääl. Esinejä saava hinnäst kirja panda kooni 15. urbõkuu pääväni.
UL
